CSP Project & Internship Evaluation for 2024 batch of students in the months of June- July 

 " ఎవడి ఎత్తని కొలవను 

ఒక్కొక్కడో  హిమాలయం 

ఎవడి  లోతని  కొలవను,

ఒక్కొక్కడో  మహా సముద్రం,

తోలుకంటి తో  చూస్తే ఊరి చెరువులా ఉంటాడు, 

మొహం మీద సిరా మరకలతో 

మొద్దబ్బాయిలా ఉంటాడు" 

అన్న సినారె మాట నాకు ఈరోజు అనుభవానికి వచ్చింది. దానికి కారణం కమ్యూనిటి సర్విస్ ప్రాజెక్టు వైవా ను ఈ రోజు మా డిపార్ట్మెంట్ లో నేనూ, శ్రీదేవీ మేడం నిర్వహించడం. 20 మంది విద్యార్థినీ విద్యార్థులు పాల్గొన్నారు. పూల్ సింగ్ external examiner గా వ్యవహరించారు. చాలా మంది పిల్లలు Mobile Addiction మరియు Lifecycle disorders మీద projects చేశారు. వీటిలో వారు రూపొందించిన ప్రశ్నావళి చక్కగా ఉంది. ఇంతే కాకుండా వైవా లో పిల్లలు మాట్లాడిన తీరు చాలా బాగుంది. వారిలో ఉన్న Sense of humor అద్భుతం. వీరి తో interaction వల్ల ఈ రోజు నేను గ్రామీణ వాతావరణం గురించి చాలా తెలుసుకోగలిగాను. ఈ వైవా లో మేము ఈ క్రింది విషయాలను విద్యార్థులకు నేర్పించగలిగాము. 

- Body language 

- eye contact 

- method of greeting the board members 

- Presentation skills 

- Social interactions & intelligence 

  

I have attended Board of Studies meeting in the department of Zoology of SKR & SKR Govt College (A) Women at Kadapa on 28th June 2024. We have reached Kadapa by 10.30 am sharp and the entire session has been finished by 12 noon. Later we have taken lunch at Meenakshi Bhavan. 

At 4PM, a session on stress management has been arranged. 

Million thanks to all who have been involved in these programmes. 

 

 నేను పనిలేక తిరుగుతున్నవాడిని కాను. తిరగడమే పనిగా పెట్టుకున్నవాణ్ణి. తినడం తరువాత నన్ను అమితంగా ఆకర్షించేది ఏమంటే తిరగడమే. I want to be a nomad. I love travelling. I may travel for food, knowledge, fun or anything. తిరగుగుబోతుకు లక్ష్యమేమి నా బొంద? తిరగడానికి నాకో సాకు పరిశోధన రూపంలో దొరికింది. రిసెర్చ్ యోగి వేమన లో చేరిపోయానుగా!!!!! యూనివర్సిటీకి వెళ్ళిన ప్రతిసారీ కడప గడపలో ఉన్న దర్శనీయ ప్రదేశాలన్నిటినీ చుట్టేసిరావడం ఒక ఆనవాయితీగా పెట్టుకున్నాను. ప్రతిసారీ నాకు తోడుగా మిత్రులు వస్తూ ఉంటారు.  అలాగా అలవోకగా వెళ్లి వచ్చిన ప్రదేశమే ఈ గండికోట. చిన్నప్పటి  నుంచీ 'గండికోట రహస్యం' అనే మాట వినేవాడిని. ఆ పేరుతో ఉన్న సినిమా కూడా చూసేశాను. కానీ గండికోటను మాత్రం ఇప్పుడే చూస్తున్నాను. కడప నుంచి ముద్దనూరు మీదుగా గండికోట చేరుకున్నాము. ఆ గండికోట చాలా రహస్యాలనే మాకు చెప్పింది.  

కోట లోపలి శిథిలాలు ఎన్నో చారిత్రక కథనాలను మాకు చెప్పాయి. శిథిల దేవాలయాలు లోపల చాలానే ఉన్నాయి. ధాన్యాగారము, జైలు, చార్మినారు, జుమ్మా మశీదు లాంటి వాటిని చూసాము. కోట లోపల ఉన్న మాధవ రాయ స్వామి దేవాలయము, రంగనాయక స్వామి దేవాలయము శిల్ప శోభతో అలరారుతున్నాయి. వాటి మీద అక్కడిక్కడే వీడియోలు చేసి ఇంస్టా లో పెట్టేసాను. ఇది కాక అందరూ ఇక్కడ చూసి తీరవలసినది The Great Canyon గా పిలువబడే లోయ. అక్కడ శిలల అమరిక కూడా ఎవరో పేర్చినట్టుగా ఉంటుంది. 

ఇక్కడ హోటల్స్ లో గదులు చాలానే దొరుకుతాయి. ఇవన్నీ చూడడానికి రెండు కిలోమీటర్లు పైనే నడిచాము. గండికోట లో మేము తిన్న బారా మసాలా ఘాటు మాకు నసాళానికి అంటింది. కారం పట్టించిన కీరా దోస ముక్కలు కూడా తిన్నాము. 

తిరిగి అనంతపురం వచ్చేటప్పుడు జమ్మలమడుగు లో మసాలా దోసెలు తిన్నాము. నా చిన్నప్పుడు జమ్మలమడుగుకు తరచూ వెళ్ళేవాడిని. మా మాతామహులు అక్కడ దస్తావేజులు రాసేవారు. అప్పట్లో ఊరిలోని కోట వీధిలో చక్కర్లు కొట్టేవాడిని. బట్టలు బాగా దొరుకుతాయి ఈ ఊరిలో. జమ్మలమడుగు చూసిన వెంటనే ఆ బాల్య స్మృతులు నా మనసును ముసురుకున్నాయి. మా యాత్ర ముగించుకుని మేము ఇళ్లు చేరడానికి రాత్రి 7.30 అయ్యింది. 

మరో యాత్రా స్మృతి తో మరోసారి కలుద్దాం.