సినీ హీరో , దర్శకుడు, కమ్యూనిస్ట్ మరియు హ్యూమనిస్ట్ అయిన ఆర్. నారాయణ మూర్తి ఈ రోజు మా ఆర్ట్స్ కళాశాల కు విచ్చేశారు. ఛాంబర్ లో నాక్ పనులలో మునిగితేలుతున్న మాకు ఆయన రాక చాలా థ్రిల్లింగా అనిపించింది. నారాయణ మూర్తి సినిమా లు నేను డిగ్రీ చదువుకునే రోజులలో ఒక ఊపు ఊపాయి. 'ఎన్నియల్.. ఎన్నియల్.. ఎన్నియెల్లో యెర్ర్ యెర్రని జండలో ఎన్నియెల్లో' అనే పాట విన్నప్పుడు నాలో ఒక కమ్యూనిస్ట్ మేలుకొన్నాడు. ఆ మేలుకున్న కమ్యూనిస్ట్ ఏమయ్యాడని మాత్రం అడక్కండి. అప్పట్లో ప్రతి అన్నా 'నీ పాదం మీద పుట్టు మచ్చ నై చెల్లమ్మా, తోడ బుట్టిన ఋణం తీర్చుకుందునే చెల్లమ్మా' అని పాడుకునేవాడు. నారాయణ మూర్తి సినీ కార్మికుల కష్టాల నివారణకు కూడా ఎప్పుడూ పోరాడుతూనే ఉంటారు. సినీ గ్లామర్ ముందు మా గురువుల గ్లామర్ ఎందుకూ పనికిరాదు. ఆయన ఛాంబర్ లోకి రాగానే , మా గురువులంతా నారాయణ మూర్తి గురత్వాకర్షణ లోకి వెళ్లిపోయాము. అందరూ ఆయన చుట్టూ చేరిపోయి ఫోటోలు తీసుకున్నాము. ఆ ఫోటోస్ నే ఇప్పుడు మీతో పంచుకుంటున్నాను.
No comments:
Post a Comment