As a Resource Person in a Seminar on Intra & Inter Personal Skills at SKR & SKR GC (A) (W) Kadapa 

28 ఆగస్ట్ 2026 నుంచి 1 సెప్టెంబర్ 2026 వరకు నాలుగు రోజుల పాటు కడప యోగి వేమన విశ్వవిద్యాలయం లో Pre PhD పరీక్షలు రాసాను. చిన్నప్పుడు కూడా పరీక్షలకు ఇంతలా సన్నద్ధం కాలేదు. అన్ని పరీక్షలు సంతృప్తికరంగానే రాసాను. సెప్టెంబర్ 1 వ తేదీన Discipline Specific Elective paper బాగా రాసాను అనే ఆనందంలో ఉండగానే SKR & SKR మహిళా ప్రభుత్వ డిగ్రీ కళాశాల IQAC Coordinator కృష్ణవేణి మేడంకు నేను Intra & Inter Personal Skills మీద మాట్లాడతానని చేసిన వాగ్దానం గుర్తుకువచ్చి 'నేను వస్తున్నాను, సదస్సుకు ఏర్పాట్లు చేసుకోండి " అని చెప్పి కారు ఎక్కి కూచుని కడపకు బయలుదేరాను. మధ్యాహ్నం 2.30 కు మొదలైన సదస్సు సాయంత్రం 5 కు ముగిసింది. దానికి సంబంధించినవే పై ఫోటోలు. 

ఇంతకు నేను సదస్సులో ఏమి మాట్లాడనో అని కదా మీ సందేహం. ఆ విషయాలు క్రింద ఇస్తున్నాను. 

• Intra Personal Skills : మనతో మనం ఎలా ఉన్నాము? 
• Inter Personal Skills :  మన చుట్టూ ఉన్నవారితో ఎలా ఉన్నాము? 
• నీవీ, నావి కలిస్తే మనవి 
• సహోద్యోగులతో సానుకూల దృక్పథంతో ఎలా ఉండాలి?
• Personal & Professional works లో ఎలా compartmentalization ఉండాలి? వృత్తి -ప్రవృత్తిని ఎలా సమన్వయం చేసుకోవాలి? 
• ఆనందం కోసం కాకుండా ఆనందంతో ఎలా పని చేయాలి? ( Work with happiness rather than working for happiness ) 
• ఇష్టపడి చేస్తే సేవ.. కష్టపడి చేస్తే చాకిరి. 
• కర్తవ్య నిర్వహణలో కర్తృత్వ భావన వదిలేస్తే ఒత్తిడి ఉండదు 
• ఆనందంగా ఉండడం సాధన చేయాలి. Fake it, fake it, fake it until you make it. 
• ఆనందంగా ఉన్నవారి వద్దకే అన్ని ఆనందాలు వస్తాయి. దు:ఖానికి కేంద్రబిందువుగా మారకండి. బాధ పడడం వలన దు:ఖం పోదు. 
• విద్యార్థి వ్యక్తిత్వాన్ని గౌరవించండి. 
• మన మానసిక స్థాయిని బట్టే మనం ఎదుటివారిని అర్థం చేసుకుంటాము. దృష్టి మారిందా, సృష్టి మారినట్టే. అంతా మనం చూసే దాన్ని బట్టే ఉంటుంది. దీనిని వేదాలలో చక్షుమతీ విద్య అన్నారు. మీలో లేనిది ఏదీ బయట కనపడదు. 
• ప్రపంచం మారదు .. మనం మారి కూర్చోవాలి. ప్రపంచాన్ని మార్చడం కన్నా మనం మారడం సులభం. ఎదుటి వారిని మార్చడం మన చేతిలో లేదు. మనం మారడం మాత్రం మన చేతిలోనే ఉంది. 
• మన వద్ద పోగొట్టుకోవడానికి ఏమి ఉందని బాధ??? 
• దేనిని ఎక్కువ పోగేసుకోకండి. వంట చేసేటప్పుడు 'పొంగేదంతా పొయ్యి పాలే ' అనే విషయం గుర్తించేఉంటారు. 
• Success ను glorify చేయకండి 
• వేటూరి పాటల్లో ఎన్నో వ్యక్తిత్వ వికాస సూత్రాలు ఉన్నాయి. పాటలు వింటే మనసు ఆహ్లాదంగా ఉంటుంది. 
• లోకం మీద కోపం మన ఇంటికి, ఒంటికి కూడా మంచిది కాదు. 
• చిన్న చిన్న విషయాలలో ఆనందం పొందేవారి వద్దకే పెద్ద పెద్ద ఆనందాలు వస్తాయి. 
• Belive in the Exit. Be ready to lose anything and everything gracefully. 

అందరూ ఎంతో ఓపికగా వినడం నాకు ఒక సంతృప్తినిచ్చింది. కార్యక్రమం ఏర్పాటు చేసిన కృష్ణ వేణి మేడంకు, నిర్వహణకు అనుమతినిచ్చిన ప్రిన్సిపల్ స్మిత మేడంకు నా ధన్యవాదాలు.